Sot, 231 besimtarë nga Prizreni dhe Shtimja janë nisur drejt Mekës dhe Medinës për të kryer kushtin e pestë të Islamit, haxhin. Ky është grupi i tretë i haxhinjve që udhëton nga Kosova këtë vit, ndërsa gjatë dy ditëve të ardhshme pritet nisja e katër grupeve të tjera. Ceremonia e përcjelljes u zhvillua me pjesëmarrjen e zyrtarëve të Drejtorisë së Haxhit dhe Umres së Bashkës Islame të Kosovës, si dhe familjarëve të besimtarëve, të cilët u uruan për një udhëtim të lehtë dhe haxh të pranuar. Organizimi i këtij procesi realizohet nga Bashkësia Islame e Kosovës, duke siguruar koordinimin e udhëtimit dhe qëndrimit të haxhinjve në vendet e shenjta islame.