Sot shënohen 25 vjet nga fillimi i luftës në ish-Republikën Jugosllave të Maqedonisë, ku shqiptarët e këtij vendi, pas përfundimit të luftës në Kosovë, ngritën armët nën siglën e Ushtrisë Çlirimtare Kombëtare (UÇK) për të kërkuar të drejtat e tyre të mohuara. Lufta u shkaktua nga diskriminimi i shqiptarëve dhe thellimi i shtypjes nga elementi maqedonas pas pavarësisë së vendit dhe miratimit të kushtetutës së vitit 1991 pa pjesëmarrjen e deputetëve shqiptarë. Në këtë periudhë, Maqedonia u përball me probleme të mëdha sociale dhe ekonomike, duke përfshirë papunësinë, varfërinë, korrupsionin dhe krimin ekonomik. Konflikti u ndërpre pas negociatave ndërkombëtare të mbajtura në Ohër në vitin 2001, ku u nënshkrua Marrëveshja e Ohrit nga liderët politikë maqedonas dhe shqiptarë, me ndërmjetësimin e SHBA dhe Evropës, duke krijuar mekanizma për zbatimin e saj dhe përmirësimin e marrëdhënieve mes komuniteteve.