Sot shënohet 27-vjetori i tërheqjes së forcave ushtarake dhe paramilitare serbe nga Kosova, ngjarje që shënoi fundin e pushtimit serb në këtë territor. Tërheqja erdhi pas një beteje të ashpër të Ushtrisë Çlirimtare të Kosovës në terren dhe bombardimeve të NATO-s, të cilat detyruan ushtrinë serbe të nënshkruante marrëveshjen e kapitullimit më 9 qershor 1999 në Kumanovë. Marrëveshja u firmos nga komandanti i parë i KFOR-it, Michael Jackson, dhe ish-shefi i Shtabit të Armatës së Serbisë, gjenerali Nebojsha Pavkoviq, i akuzuar për krime lufte në Hagë.