Sot shënohen 28 vjet nga rënia e Ismet Jasharit, komandant i njohur i Ushtrisë Çlirimtare të Kosovës dhe themelues i fondit “Vendlindja thërret”, i cili siguroi logjistikën dhe financimin e luftës për çlirimin e Kosovës. Pas epopesë së Prekazit në mars 1998, ai u dërgua në zonën e Llapushës për të konsoliduar radhët e UÇK-së dhe organizoi rezistencën e fortë në Bajrak të Luzhnicës kundër ushtrisë armike. Më 25 gusht 1998, pas një kundërsulmi të befasishëm për të shpëtuar trupat e rënë, Ismet Jashari ra në altarin e atdheut, së bashku me disa luftëtarë të tjerë të shquar. Trupi i tij prehet në kompleksin e Varrezave të Dëshmorëve në Kleçkë, bashkë me 66 dëshmorë të Brigadës 121, duke mbetur simbol i sakrificës dhe qëndresës së popullit për liri.