Në Aqarevë u shënua 28-vjetori i themelimit të Akademisë së Parë Ushtarake të Ushtrisë Çlirimtare të Kosovës, një moment kyç në historinë e luftës çlirimtare dhe organizimit të kuadrove të saj. Gjatë ceremonisë u bënë homazhe dhe u nderua vendi ku më 22 prill 1998 u vendosën bazat e Akademisë Ushtarake, ku u rreshtuan për herë të parë formacionet nën komandën e gjeneralit Sylejman Selimi dhe eprorëve të tjerë. Në këtë vend u formua edhe Divizioni “Adem Jashari” dhe dolën kadetët e parë që ngritën flamurin, duke dëshmuar përkushtimin dhe sakrificën e atyre që kontribuan në lirinë e Kosovës. Përvjetori shërben si një nderim i thellë për dëshmorët dhe të gjithë ata që dhanë kontributin e tyre në këtë rrugëtim historik.