Zv.kryeministri i Parë dhe Ministri për Çështje Evropiane, Bekim Sali, përkujtoi 30-vjetorin e marrëdhënieve mes Maqedonisë së Veriut dhe Bashkimit Evropian në një ngjarje me praninë e Ambasadorit të BE-së, Michalis Rokas. Ai theksoi se integrimi evropian mbetet prioritet strategjik dhe se pas përfundimit të procesit të screening-ut, fokusi është vendosur në përshpejtimin e reformave të nevojshme. Sali nënvizoi se përmes Agjendës së Reformave dhe Planit të Rritjes, vendi po arrin rezultate konkrete në fusha kyçe si sundimi i ligjit, administrata publike dhe qeverisja ekonomike. Ai shtoi se procesi i besueshëm i zgjerimit kërkon angazhim të dyanshëm, duke theksuar ambicien për anëtarësim të plotë në Bashkimin Evropian.