Në 24 orët e fundit në Maqedoninë e Veriut janë regjistruar 31 zjarre në hapësira të hapura, nga të cilat pesë janë ende aktive. Situata më serioze paraqitet në komunat e Studeniçanit dhe Zelenikovës, ku po digjet pyll i përzier në zonën Moranë–Vërtekicë–Ramni Gaber, me përhapje drejt Paligradit dhe Presllapit. Zjarre aktive janë edhe pranë Kopanicës në Saraj, si dhe në disa zona të tjera si Nezhilovë, Jegunovcë dhe Cërnilishtë. Qendra për Menaxhim me Kriza ka vënë nën kontroll një zjarr në Gostivar dhe ka shuar 25 të tjerë në komuna të ndryshme, ndërsa apelon për kujdes të shtuar nga qytetarët për shkak të rrezikut të përhapjes së zjarreve.