Anëtarja e Parlamentit Evropian, Kathleen Van Brent, ka deklaruar se presidenti serb Aleksandar Vuçiç nuk ka ndërmend të heqë dorë nga pushteti, pavarësisht deklaratave të tij që lënë të kuptohet e kundërta. Sipas saj, Vuçiç po përgatit një skenar politik ku do të tërhiqet formalish nga posti presidencial, por do të ruajë ndikimin real në qeverisje, duke u rikthyer më vonë si kryeminist. Van Brent paralajmëron Bashkimin Evropian që të mos ulë presionin ndaj Serbisë dhe të qëndrojë pranë popullit serb dhe lëvizjes demokratike. Ajo thekson se e ardhmja e Serbisë është në Bashkimin Evropian vetëm nëse vendi zhvillohet si një "Serbi demokratike".