Rikonstruimi i Aeroportit të Ohrit po ecën me ritme të shpejta, me progres prej 80 deri në 90 për qind në katër projekte që po zhvillohen paralelisht. Zëvendëskryeministri dhe ministri i Transportit, Aleksandar Nikolloski, konfirmoi se punimet do të përfundojnë brenda afatit të vendosur, deri në fund të verës. Pas përfundimit të punimeve, nga 15 gushti do të fillojë puna e institucioneve kompetente për të siguruar funksionimin dhe standardet e sigurisë në aeroport, duke përfshirë Agjencinë e Aviacionit Civil dhe Doganën. Rikonstruimi do të sjellë një aeroport praktikisht të ri, me ndërtesa administrative dhe terminale të reja, që do të rrisin ndjeshëm kapacitetin për ulje dhe ngritje të avionëve.