Komuna e Klinës ka njoftuar banorët dhe subjektet afariste që kanë ndërtuar garazhe apo objekte të tjera në zonën Stupovi, parcela 516-5 ZK Klinë, për t’i larguar këto brenda 30 ditëve nga data e njoftimit. Kjo hapësirë është planifikuar të përdoret për ndërtimin e një parkingu publik që do të shërbejë për nevojat e banorëve dhe qytetarëve të zonës. Komuna ka paralajmëruar se në rast të mosrespektimit të afatit, Inspektorati Komunal do të ndërmarrë veprimet ligjore për lirimin e hapësirave dhe realizimin e projektit. Autoritetet kanë kërkuar mirëkuptimin dhe bashkëpunimin e qytetarëve për zbatimin e këtij projekti të rëndësishëm urbanistik.