Në Austri, rreth 3.6 milionë shoferë duhet të ndërrojnë patentat e tyre të vjetra në letër me dokumente në format kartë krediti deri në fillim të vitit 2033. Ky detyrim vjen nga një vendim i Bashkimit Evropian i vitit 2006 dhe prek të gjitha patentat e lëshuara para 19 janarit 2013. Ministria e Transportit ka njoftuar se do të informojë qytetarët në mënyrë gjithëpërfshirëse për të shmangur mbingarkesën e autoriteteve në afatin e fundit, duke theksuar se shoferët duhet të kujdesen vetë për këtë ndryshim. Klubi i automobilave ÖAMTC ka kritikuar qasjen e ministrisë, duke e quajtur atë “pritje tipike austriake”, ndërsa kostoja e ndërrimit aktualisht është 73 euro.