Akademia Ushtarake “Gjeneral Mihailo Apostolski” ka hapur konkursin për pranim të kadetëve të rinj dhe ka nisur një program përgatitor në lëndën e Matematikës për kandidatët e interesuar. Ky kurs synon të përgatisë në mënyrë cilësore të rinjtë që dëshirojnë të ndjekin karrierë në sistemin e mbrojtjes dhe sigurisë, duke i ndihmuar për procesin e seleksionimit dhe pranimit. Studimet në akademi zgjasin katër vite dhe pas përfundimit kandidatët promovohen në gradën e parë oficere “nëntoger”. Zv. ministri i Mbrojtjes, Admir Shabani, i fton të gjithë kandidatët që të shfrytëzojnë këtë mundësi për të investuar në përgatitjen e tyre akademike dhe profesionale.