Komuna e Fushë Kosovës ka zhvilluar një aksion të gjerë në terren, ku Drejtoria e Shërbimeve Publike ka ndërmarrë ndërhyrje të rëndësishme në infrastrukturë. Gjatë këtij aksioni janë pastruar pusetat e kanalizimeve, janë mirëmbajtur dhe pastruar hapësirat në varreza, si dhe është shtrirë rrjeti i ujësjellësit në fshatin Harilaq. Qëllimi kryesor i këtyre veprimeve është përmirësimi i kushteve higjieno-sanitare dhe rritja e funksionalitetit të infrastrukturës publike për qytetarët. Në terren ka qenë i pranishëm drejtori i Shërbimeve Publike, Izja Mjeku, i cili ka monitoruar nga afër punimet për të siguruar që të gjitha aktivitetet të realizohen sipas standardeve të kërkuara.