Sot në Shkup janë rikthyer alarmet për bomba në disa shkolla të mesme, përfshirë "Dimitar Vlahov", "Vlado Tasevski" dhe "Marija Curie - Sklodovska". Pas njoftimeve për kërcënime me bomba, policia dhe institucionet kompetente kanë ndërhyrë menjëherë në terren, duke evakuuar nxënësit dhe punonjësit për sigurinë e tyre. Aktualisht, nuk raportohet për të lënduar, por mësimi është pezulluar përkohësisht derisa të përfundojnë kontrollet e sigurisë. Ministria e Punëve të Brendshme ka bërë thirrje për qetësi dhe shmangie të përhapjes së informacioneve të paverifikuara, ndërsa vazhdojnë hetimet për zbardhjen e plotë të situatës.