Senati amerikan ka miratuar kandidaturën e Eric P. Wendt për postin e ambasadorit të SHBA-së në Shqipëri me 50 vota pro dhe 44 kundër, duke hapur rrugën për emërimin e tij zyrtar pas nënshkrimit nga Presidenti Donald Trump. Wendt, ish-oficer i lartë i ushtrisë amerikane dhe anëtar i forcave speciale “Green Beret”, ka një karrierë të gjatë dhe të pasur në operacione ndërkombëtare dhe rolet e sigurisë, duke përfshirë komandimin e Komandës së Operacioneve Speciale të NATO-s dhe koordinimin e sigurisë për Izraelin dhe Autoritetin Palestinez. Ai do të zëvendësojë ambasadoren Yuri Kim, ndërsa Ambasada amerikane në Tiranë ka qenë e drejtuar nga të ngarkuar me punë që prej vitit 2023. Pas përfundimit të procedurave, Wendt pritet të nisë detyrën në Shqipëri, duke sjellë një profil ushtarak dhe diplomatik të theksuar në marrëdhëniet dypalëshe.