Kryetari i Qytetit të Shkupit, Orce Gjorgjievski, u shpreh i befasuar nga anulimi i procedurës për furnizimin me autobusa të rinj, një proces që nuk udhëhiqet nga qyteti, por nga Ministria e Transportit dhe Lidhjeve. Ai theksoi se vendimi për ndërprerjen e procedurës është marrë nga Komisioni për Ankesa dhe Parashtresa për Furnizime Publike, duke shtyrë procesin për 30 deri në 50 ditë. Gjorgjievski shpreson që procedura e tretë të jetë e suksesshme, megjithëse nuk mund të garantojë afate apo detaje të sakta për momentin. Ai gjithashtu sqaroi se Qyteti i Shkupit do të jetë vetëm përdoruesi përfundimtar i autobusëve dhe nuk ka rol në furnizimin e tyre.