Presidenti i Kroacisë, Zoran Millanoviq, ka anuluar samitin e Procesit të Bërdo-Brionit, i cili ishte planifikuar të mbahej në maj, duke argumentuar se deklaratat dhe veprimet e presidentit serb Aleksandër Vuçiq janë në kundërshtim me qëllimet e këtij procesi dhe rrezikojnë paqen dhe stabilitetin në rajonin e Evropës Juglindore. Millanoviq theksoi se nuk ekzistojnë kushtet për pjesëmarrjen e Vuçiqit në Kroaci, ndërsa Vuçiq u përgjigj se anulimi nuk ishte i nevojshëm dhe se ai nuk ka vend aty. Tensionet mes dy vendeve janë rritur edhe për shkak të akuzave të Serbisë ndaj Kroacisë për ndërhyrje në zgjedhjet lokale dhe protestat antiqeveritare, akuza që Kroacia i ka mohuar fuqishëm. Kryeministri kroat Andrej Pllenkoviq dhe ministri i Jashtëm Gordan Gërlliq Radman kanë hedhur poshtë pretendimet serbe, duke i cilësuar si teori konspirative dhe kanë theksuar nevojën për reforma në Serbi dhe përparim në procesin e integrimit evropian.