KRU “Prishtina” ka bërë thirrje urgjente për përdorim të kujdesshëm dhe racional të ujit të pijshëm, duke theksuar rritjen e konsumit që kërcënon furnizimin e qëndrueshëm për qytetarët. Kompania kërkon shmangien e përdorimit të ujit për larjen e makinave, mbushjen e pishinave, ujitjen e sipërfaqeve të mëdha dhe aktivitete të tjera jo thelbësore gjatë orëve të pikut. Gjithashtu, KRU “Prishtina” rikujton përgjegjësinë e përbashkët për ruajtjen e furnizimit dhe thekson rëndësinë e instalimit të pompave në ndërtesat shumëkatëshe për të siguruar furnizim në katet e larta. Sipas ligjit, kompania garanton një shtypje minimale të ujit prej 1.5 bar, që mbulon deri në 15 metra lartësi, duke u përpjekur të sigurojë furnizim të vazhdueshëm për të gjithë konsumatorët.