Autoritetet serbe kanë iniciuar katër procedura penale ndaj shtetasve të Kosovës që kalojnë përmes territorit të tyre, me akuza që lidhen me krime lufte, duke krijuar shqetësime të vazhdueshme për mërgimtarët. Ministria e Punëve të Jashtme dhe Diasporës ka reaguar menjëherë për rastin më të fundit të arrestimit të Osman Selmanit, duke aktivizuar mekanizmat diplomatikë dhe duke kërkuar ndërhyrje nga partnerët ndërkombëtarë për trajtim të drejtë dhe lirimin e tij. Megjithatë, mërgimtarët që kaluan përmes pikëkalimit kufitar në Merdarë këtë të hënë raportuan se pritjet nuk ishin të gjata dhe nuk hasën probleme të mëdha gjatë kalimit. Kontrolllet ishin më intensive në fundjavë, por situata në kufi mbeti relativisht e qetë, duke lehtësuar kalimin e qytetarëve në këtë periudhë.