Marta Kos, Komisionerja e BE-së për Zgjerimin, theksoi se asnjë vend kandidat nuk ka marrë dhe as nuk mund të marrë garanci për mungesën e mosmarrëveshjeve dypalëshe gjatë negociatave për anëtarësim në Bashkimin Evropian. Ajo nënvizoi rëndësinë e përmbushjes së angazhimeve dhe përfshirjes së komunitetit bullgar në Kushtetutën e Maqedonisë së Veriut si kushtet kryesore për avancimin në procesin e integrimit evropian. Komisionerja theksoi se besimi ndërmjet vendeve kandidate dhe shteteve anëtare ndërtohet mbi marrëdhënie të mira fqinjësore dhe respektimin e detyrimeve të marrë, duke e bërë procesin e pranimit më të sigurt. Gjithashtu, Kos njoftoi se Komisioni Evropian do të prezantojë këtë vjeshtë mënyra të reja për të afruar më shumë vendet kandidate me BE-në para se të bëhen anëtare të plotë.