Autostrada Ohër-Kërçovë po ndërtohet me një dinamikë të lartë dhe sipas planit të paraparë, ka bërë të ditur zëvendëskryeministri dhe ministri i Transportit, Aleksandar Nikolloski. Ai theksoi se po zgjidhen probleme komplekse inxhinierike përmes një koordinimi të fuqishëm ndërmjet Ministrisë së Transportit, Ndërmarrjes Publike për Rrugët Shtetërore dhe kompanive realizuese. Gjatë një takimi pune me drejtorin e Ndërmarrjes Publike për Rrugët Shtetërore, Koce Trajanovski, u vlerësua progresi i shpejtë në terren dhe realizimi i detyrave të vështira. Ky projekt është pjesë e përpjekjeve për të zhvilluar infrastrukturën dhe për të ndërtuar një Maqedoni më moderne dhe të lidhur më mirë.