Sot u prezantua fillimi i punimeve në pjesën e mbetur të autostradës Shkup-Bllacë, një projekt ky i rëndësishëm për lidhjen strategjike me Kosovën. Partia opozitare BDI thekson se projekti është konceptuar, financuar dhe mbrojtur nga qeveria e tyre, duke siguruar edhe 20 milionë euro grant nga Bashkimi Evropian dhe duke realizuar fazat kryesore të projektimit dhe shpronësimeve. Megjithatë, për dy vite me radhë ndërtimi u bllokua nga qeveria pasardhëse, e cila tentoi të ndryshonte konceptin e autostradës dhe shpenzoi miliona për analiza të kota. BDI kritikon përpjekjet për devijim dhe përpjekjet për të marrë merita për një projekt që ata e konsiderojnë si rezultat të vizionit dhe punës së tyre.