Pas më shumë se pesë vjetësh zvarritjesh dhe premtimeve të pambajtura, autostrada Shkup–Bllacë më në fund hyn në fazën e ndërtimit. Projekti, i cili ishte premtuar që nga viti 2008 dhe u bë simbol i dështimit të shumë qeverive, do të fillojë në gusht me një gjatësi prej 10.5 kilometrash dhe do të zgjasë katër vite. Vlera e investimit arrin në rreth 200 milionë euro, duke synuar të përmirësojë lidhjen me Kosovën dhe të krijojë një korridor ekonomik për qytetarët dhe bizneset. Ky projekt pritet të lehtësojë edhe lëvizjen e mërgatës dhe të forcojë bashkëpunimin mes dy vendeve.