Një ngjarje e veçantë u shënua më 6 maj 2026 në Aeroportin Ndërkombëtar “Adem Jashari” në Prishtinë, ku ateroi Antonov An-124 “Ruslan”, një nga aeroplanët më të mëdhenj dhe më të fuqishëm të transportit ajror në botë. Ky avion i prodhuar në Ukrainë është projektuar për të transportuar ngarkesa jashtëzakonisht të mëdha dhe të rënda, si tanke, helikopterë, turbina dhe madje edhe lokomotiva, me një kapacitet ngarkese deri në 150 tonë. Antonov An-124 ka dimensione mbresëlënëse, me gjatësi rreth 69 metra, hapje krahësh prej 73 metrash dhe 24 rrota për stabilitet gjatë uljes dhe ngritjes. Pamjet dhe videot e avionit në pistën e aeroportit u publikuan në rrjetet sociale, duke tërhequr vëmendjen e publikut dhe duke theksuar rëndësinë e këtij transporti strategjik në Kosovë.