Kryeministri Edi Rama njoftoi nisjen e aktivitetit të avionit të parë zjarrfikës në Shqipëri, duke e konsideruar atë një forcë të shtuar në përballimin e zjarreve gjatë këtij muaji të nxehtë dhe sfidues. Ai theksoi se vendi është më i përgatitur se kurrë më parë për emergjencat, megjithatë paralajmëroi se rreziku i përshkallëzimit të zjarreve mbetet i lartë. Rama bëri krahasime me situatën në vende të tjera evropiane, ku zjarret po shkaktojnë dëme të mëdha. Në postimin e tij në Facebook, ai ndau edhe një video të avionit zjarrfikës, duke theksuar rëndësinë e këtij mjeti në menaxhimin e situatës së zjarreve.