Shqipëria ka regjistruar rënien më të madhe të lindjeve në Europë gjatë 30 viteve të fundit, me një tkurrje prej 63.5% që nga viti 1997. E gjithë rajoni i Ballkanit Perëndimor po përjeton një ulje të ndjeshme të lindshmërisë, për shkak të emigracionit, plakjes së popullsisë dhe kostos së lartë të jetesës, pavarësisht masave financiare që qeveritë po marrin për të nxitur shtimin e fëmijëve. Vendet e rajonit ofrojnë stimuj të ndryshëm, nga pagesa njëherëshme deri te shtesat mujore dhe përfitimet afatgjata, me Serbinë që ofron mbështetjen më të madhe financiare për familjet me shumë fëmijë. Megjithatë, sfidat demografike mbeten të mëdha, duke vënë në pikëpyetje nëse këto politika mund të ndryshojnë trendin e rënies së lindjeve dhe të sigurojnë një të ardhme më të qëndrueshme për popullsinë e Ballkanit.