Komisionarja për Zgjerim e Bashkimit Evropian, Marta Kos, ka theksuar se Bashkimi Evropian do të veprojë vetëm kur vendet e Ballkanit Perëndimor tregojnë rezultate konkrete në procesin e integrimit. Ajo njoftoi se në ditët në vijim do të ndahen afro 200 milionë euro për Malin e Zi dhe Shqipërinë, ndërsa Serbia iu bashkua Shqipërisë, Malit të Zi dhe Maqedonisë së Veriut në sistemin SEPA. Kos gjithashtu përmendi përgatitjet për Samitin BE–Ballkani Perëndimor që do të mbahet më 5 qershor në Podgoricë, duke kërkuar angazhim të fortë nga të gjitha vendet kandidate. Ndërkaq, ministri në detyrë i Punëve të Jashtme të Kosovës, Glauk Konjufca, kërkoi trajtim të barabartë dhe të drejtë nga BE-ja, duke theksuar gatishmërinë e Kosovës për të avancuar në një proces meritokratik.