Në Maqedoni, gjatë pesë viteve të fundit janë ndërtuar mbi 36.000 banesa të reja, megjithatë më shumë se një e treta e fondit të përgjithshëm të banesave mbetet e pabanuar. Sipas regjistrimit të popullsisë në vitin 2021, nga 839.174 banesa, 307.187 ishin bosh, që përbën rreth 36.6% të totalit. Ndërkohë, çmimet për metër katror në qytetet kryesore si Shkupi dhe Ohri kanë kaluar 3.000 euro, duke ngritur pyetje për shkakun e rritjes së çmimeve në një treg me ofertë të madhe dhe boshllëqe të shumta.