Ministri i Punëve të Jashtme dhe Tregtisë, Timço Mucunski, zhvilloi një vizitë dyditore në Katar ku u takua me zyrtarët më të lartë të këtij shteti për të diskutuar thellimin e bashkëpunimit politik dhe ekonomik ndërmjet dy vendeve. Gjatë kësaj vizite u nënshkruan tre marrëveshje kyçe, përfshirë heqjen e vizave për mbajtësit e pasaportave diplomatike, zyrtare dhe speciale, duke lehtësuar lëvizjen diplomatike ndërmjet dy vendeve. Po ashtu, u firmosën memorandume për vendosjen e konsultimeve politike dhe bashkëpunimin në fushën e edukimit diplomatik, duke krijuar një bazë të re institucionale për avancimin e marrëdhënieve dypalëshe. Këto marrëveshje pritet të forcojnë bashkëpunimin në fusha me interes të përbashkët dhe të avancojnë marrëdhëniet mes Maqedonisë dhe Katarit.