Adriatik Kupi, Drejtori i Përgjithshëm i Burgjeve të Kosovës, zhvilloi vizitën e tij të parë zyrtare në Shqipëri, ku u prit nga homologu i tij, Ismail Dibrani. Gjatë takimit u diskutua për forcimin e bashkëpunimit ndërinstitucional dhe shkëmbimin e përvojave profesionale në sistemin penitenciar. Fokus i veçantë u vu në avancimin e praktikave bashkëkohore dhe rritjen e standardeve dhe kapaciteteve institucionale. Përfaqësuesit amerikanë të ICITAP-it u vlerësuan për mbështetjen e tyre në zhvillimin e inteligjencës penitenciare dhe forcimin e kapaciteteve profesionale në rajon, ndërsa të dy drejtuesit shprehën gatishmërinë për bashkëpunim të mëtejshëm.