Kryetari i Kuvendit të Republikës së Maqedonisë së Veriut, Afrim Gashi, gjatë vizitës së tij në Bernë, zhvilloi takime me Kryetarin e Parlamentit Federal të Zvicrës, Pjer-Andre Pazh, dhe drejtuesit e Agjencisë Zvicerane për Zhvillim dhe Bashkëpunim (SDC). Në këto biseda u theksua rëndësia e intensifikimit të bashkëpunimit ndërparlamentar përmes shkëmbimit të përvojave dhe praktikave të mira, me qëllim përforcimin e kapaciteteve parlamentare dhe proceseve demokratike. Gashi vuri në dukje mbështetjen e vazhdueshme të Zvicrës në proceset reformuese dhe eurointegruese të Maqedonisë së Veriut, ndërsa SDC konfirmoi angazhimin e saj afatgjatë për zhvillimin demokratik dhe modernizimin e punës parlamentare. Një fokus i veçantë u dha Programit për Mbështetje Parlamentare, i cili ndihmon në avancimin e transparencës, llogaridhënies dhe digjitalizimit të Kuvendit.