Ministri i Mjedisit Jetësor dhe Planifikimit Hapësinor, Muamet Hoxha, mori pjesë në Forumin e 5-të Ndërkombëtar për Ujërat në Stamboll, ku theksoi rëndësinë e menaxhimit të qëndrueshëm të burimeve ujore përballë krizës klimatike dhe sfidave gjeopolitike. Ai informoi se Maqedonia e Veriut po ndjek standardet evropiane, duke zbatuar Direktivën Kornizë për Ujërat të Bashkimit Evropian. Ministri nënvizoi se asnjë shtet nuk mund t’i përballojë vetëm këto sfida dhe se bashkëpunimi rajonal është i domosdoshëm. Sipas tij, zgjidhjet duhet të jenë të përbashkëta, të bazuara në të dhëna dhe në shkëmbimin e përvojave për një veprim të koordinuar dhe efektiv.