Vizita e presidentit ukrainas Zelensky në Serbi, e caktuar për fillim gushtit, është një hap i rëndësishëm në afrimin ekonomik dhe ushtarak mes dy vendeve, pavarësisht tensioneve politike dhe simpative pro-ruse në Serbi. Sipas burimeve diplomatike dhe gazetës gjermane “Frankfurter Allgemeine Zeitung”, Ukraina dhe Serbia po përgatiten për një bashkëpunim të thelluar në fushën e mbrojtjes, duke përfshirë prodhimin e përbashkët të dronëve dhe municionit, me mbështetjen financiare të Emirateve të Bashkuara Arabe. Ky bashkëpunim pritet të realizohet përmes një marrëveshjeje trepalëshe, ku Serbia do të jetë vendprodhues, Ukraina përdoruese kryesore, ndërsa SHBA-të kanë luajtur rol kyç në sigurimin e municionit për Ukrainën përmes ndërmjetësve. Përveç sektorit të mbrojtjes, dy vendet shohin mundësi të mëdha rritjeje në sektorin e teknologjisë së informacionit, ku Ukraina ka ruajtur kapacitet eksportues edhe gjatë luftës, dhe Serbia është një nga tregjet me rritjen më të shpejtë në Evropë.