Kryeministri i Maqedonisë së Veriut, Hristijan Mickoski, zhvilloi një takim me presidentin turk Recep Tayyip Erdogan, ku u konfirmua bashkëpunimi i ngushtë dhe strategjik mes dy vendeve. Në fokus të bisedimeve ishin thellimi i bashkëpunimit ekonomik, rritja e shkëmbimit tregtar dhe avancimi në sektorë si infrastruktura, energjetika, turizmi, arsimi dhe mbrojtja. Mickoski theksoi rëndësinë e Turqisë si partner ekonomik dhe politik, duke garantuar përkushtim për krijimin e një klime të favorshme për investime dhe vende të reja pune. Erdogan shprehu mbështetjen për zhvillimin e Maqedonisë së Veriut dhe gatishmërinë për forcimin e marrëdhënieve bilaterale, ndërsa të dy palët nënvizuan nevojën për stabilitet dhe bashkëpunim në rajon.