Ministri i Mjedisit Jetësor dhe Planifikimit Hapësinor të Maqedonisë së Veriut, Muhamet Hoxha, mori pjesë në Konferencën Ministrore të Procesit të Bashkëpunimit në Evropën Juglindore në Sofje, ku u diskutuan sfidat klimatike dhe tranzicioni i gjelbër. Në këtë konferencë, Hoxha zhvilloi një takim me eurokomisioneren Jessika Roswall për të diskutuar prioritetet mjedisore të vendit dhe harmonizimin me politikat e Bashkimit Evropian. U theksua rëndësia e veprimit të koordinuar për ndryshimet klimatike, menaxhimin e qëndrueshëm të burimeve natyrore dhe përshpejtimin e tranzicionit drejt një ekonomie më të gjelbër dhe konkurruese. Ministri Hoxha vlerësoi mbështetjen e BE-së në zbatimin e reformave mjedisore dhe riafirmoi angazhimin e vendit për avancimin e standardeve evropiane në mbrojtjen e mjedisit dhe zhvillimin e qëndrueshëm në rajon.