Bashkimi Demokratik për Integrim (BDI) ka reaguar ashpër ndaj mënyrës se si Ministria e Mbrojtjes e ka prezantuar Armatën e Republikës së Maqedonisë së Veriut si “Armata Maqedonase”, duke theksuar se kjo emërtim cenon karakterin multietnik të shtetit. Sipas BDI-së, shqiptarët janë larguar sistematikisht nga pozitat e larta dhe qendrat vendimmarrëse në sektorin e mbrojtjes, ku asnjë shqiptar nuk mban pozita drejtuese në Ministrinë e Mbrojtjes. Partia kërkon korrigjimin e menjëhershëm të emërtimit, publikimin e strukturës etnike të pozitave drejtuese dhe rikthimin e përfaqësimit të drejtë të shqiptarëve në të gjitha nivelet e vendimmarrjes. BDI thekson se Armata është institucion i përbashkët dhe çdo përpjekje për ta paraqitur atë si monoetnike cenon frymën e Marrëveshjes së Ohrit dhe unitetin e shtetit.