Bashkimi Demokratik për Integrim (BDI) ka reaguar fuqishëm lidhur me ndotjen e ujit të pijshëm në Gostivar, duke theksuar se siguria e ujit është një e drejtë themelore njerëzore. Ata kërkojnë nga institucionet kompetente të ndërmarrin veprime të menjëhershme, me përgjegjësi dhe transparencë të plotë, për të identifikuar burimin e kontaminimit dhe për të përcaktuar përgjegjësitë institucionale. BDI mbështet çdo hetim profesional dhe të pavarur që do të zbardhë situatën dhe do të sigurojë që përgjegjësit të përballen me drejtësinë, ndërsa kërkon informim të rregullt dhe furnizim të pandërprerë me ujë të sigurt për familjet e prekura. Sipas tyre, përgjegjësia, transparenca dhe veprimi i shpejtë janë detyrime institucionale që nuk mund të anashkalohen.