Parlamentit Evropian miratoi me shumicë të madhe raportin vjetor për Serbinë, duke dërguar një mesazh të fuqishëm për situatën politike dhe demokratike në vend. Raportuesi kroat Tonino Picula theksoi se Serbia ka shënuar regres në shumicën e fushave, për shkak të dobësimit të institucioneve, kufizimit të të drejtave dhe vendimeve që e largojnë nga Bashkimi Evropian. Ai gjithashtu kritikoi ngadalësimin e dialogut Kosovë–Serbi dhe lidhjet e ngushta të Beogradit me Rusinë dhe Kinën, që ndikojnë negativisht në sigurinë rajonale dhe procesin e anëtarësimit. Në konferencën për shtyp, Picula paralajmëroi se presidenti Aleksandar Vuçiq mund të përpiqet të përqendrojë pushtetin në duart e tij, duke përdorur taktika të ngjashme me ato të Vladimir Putinit.