Presidentja e Maqedonisë, Gordana Siljanovska-Davkova, u prit me nderime të larta në Lubjanë nga presidentja sllovene Natasa Pirc Musar, ku theksoi se Bashkimi Evropian mbetet prioriteti kryesor i vendit të saj. Ajo nënvizoi nevojën për zbatim të qëndrueshëm të ligjit evropian, duke kundërshtuar bilateralizimin e procesit të zgjerimit, veçanërisht në çështjet e identitetit kombëtar. Siljanovska-Davkova e konsideron integrimin evropian jo vetëm si një çështje politike, por edhe si një faktor kyç sigurie për Ballkanin Perëndimor, duke paralajmëruar për ndikimet e huaja që përpiqen të shfrytëzojnë boshllëqet politike. Ajo falënderoi Slloveninë për mbështetjen e vazhdueshme dhe riafirmoi përkushtimin e Maqedonisë për të përmbushur kriteret e Kopenhagenit në rrugën drejt BE-së.