Bashkimi Evropian po konsideron reduktimin ose ndalimin e financimeve deri në 1.5 miliardë euro për Serbinë, për shkak të shqetësimeve mbi demokracinë, sundimin e ligjit dhe lirinë e medias në vend. Deputetja britanike Alicia Kearns ka përshëndetur këtë qëndrim duke theksuar se Brukseli më në fund po reagojnë ndaj rënies së lirisë së shtypit dhe shtetit ligjor në Serbi. Ajo ka nënvizuar se mbrojtja e lirisë së medias duhet të jetë e panegociueshme për vendet që synojnë anëtarësimin në BE dhe se veprimet duhet të kenë pasoja konkrete. Serbia ka marrë tashmë reduktime financiare prej rreth 50 milionë eurosh dhe nuk ka hapur asnjë kapitull të ri në negociatat për anëtarësim në BE prej katër vjetësh, duke reflektuar presionin në rritje të Bashkimit Evropian për respektimin e standardeve demokratike.