Bashkimi Evropian ka pezulluar të gjitha pagesat financiare për Serbinë në kuadër të Planit Evropian të Zhvillimit, për shkak të shqetësimeve serioze lidhur me regresin në sistemin gjyqësor dhe mungesën e pavarësisë së tij. Komisionerja për Zgjerim, Marta Kos, deklaroi se fondet do të mbeten të ngrira derisa Beogradi të korrigjojë problemet e vërejtura në funksionimin dhe pavarësinë e gjyqësorit. Ky vendim vjen në një kohë kur marrëdhëniet mes Brukselit dhe Serbisë janë përkeqësuar, sidomos për shkak të reformave të kontestuara në drejtësi, presionit ndaj institucioneve të pavarura dhe qëndrimit të Serbisë ndaj Rusisë. Bashkimi Evropian ka paralajmëruar se mbështetja financiare do të vijojë vetëm nëse Serbia demonstron përparim konkret në sundimin e ligjit dhe respektimin e standardeve evropiane, ndërsa po shqyrtohet edhe bllokimi i rreth 1.5 miliardë eurove ndihmë për shkak të këtyre shqetësimeve.