Kompania “Rad 028”, në pronësi të Radulle Steviqit, i cili akuzohet për përfshirje në sulmin e armatosur në Banjskë dhe është nën sanksione ndërkombëtare, vazhdon të marrë kontrata milionëshe nga institucionet serbe për projekte ndërtimore në zonat me shumicë serbe në Kosovë. Megjithëse selia e kompanisë në Zveçan është e zbrazët dhe në terren mungojnë punimet e pretenduara, kontratat vazhdojnë të lidhën, duke përfshirë rinovimin e shkollave, spitaleve dhe ndërtimin e shtëpive për familjet në nevojë. Autoritetet serbe dhe organet lokale nuk japin përgjigje për kriteret e dhënies së kontratave dhe për verifikimin e punimeve, ndërsa ekspertë dhe opozitarë lokalë denoncojnë mungesën e transparencës dhe lidhjet e kompanisë me krimin e organizuar. Situata tregon një sistem ku fondet publike shpenzohen pa kontroll të duhur, duke lënë komunitetin serb në Kosovë me infrastrukturë të paplotë dhe pa përgjegjës për menaxhimin e parave.