Zv.kryeministri dhe Ministri i Transportit i Maqedonisë së Veriut, Aleksandar Nikolloski, theksoi se nuk do të pranohen ndryshime kushtetuese nën diktatin bullgar, duke e cilësuar bllokadën nga Sofja si një çështje krejtësisht politike. Ai shtoi se Maqedonia po arrin rezultate të mira në axhendën e reformave dhe se kritikat ndaj Kryeministrit për vizitën e tij private në Bruksel janë të pabaza. Nikolloski përmendi se marrëveshja e mëparshme me Bullgarinë është e vështirë për t’u zbatuar dhe qeveria aktuale qëndron e vendosur në parimet e saj pa ndryshime kushtetuese. Ai theksoi se komunikimi mes dy vendeve vazhdon, por çdo zgjidhje duhet të respektojë këto parime, përndryshe nuk do të ketë marrëveshje.