Kryeministri Hristijan Mickoski ka deklaruar se bllokada parlamentare e paralajmëruar nga BDI, e cila pengon miratimin e ligjeve me procedurë Badenter, nuk përbën rrezik për krizë politike apo zgjedhje të parakohshme. Ai theksoi se pushteti aktual ka shumicë stabile dhe nuk sheh arsye për krizë, duke përmendur edhe zgjedhjen e kryetarit të Kuvendit si një tregues të stabilitetit. Ndërkohë, kryeparlamentari Afrim Gashi njoftoi se pavarësisht bllokadës, ligjet do të vihen në votim dhe akuzoi opozitën për keqpërdorim të Rregullores së Kuvendit. Ai shtoi se zgjedhje të parakohshme do të ketë vetëm në rast se 61 deputetë vendosin për shpërndarjen e Kuvendit.