Diplomat i njohur amerikan Christopher Hill ka zbuluar detaje nga takimet e ish-sekretarit të Shtetit James Baker në Shqipëri në vitin 1991, ku u takua me Ramiz Alinë, Ylli Bufin dhe opozitën, ku Sali Berisha doli si figura më aktive. Amerikanët ishin të shqetësuar për stabilitetin e qeverisë dhe mundësinë e krijimit të kaosit, por u siguruan nga premtimet e Partisë Demokratike për një shkëputje të plotë nga e kaluara komuniste. Hill theksoi se Berisha fitoi mbështetje të madhe nga SHBA-ja në fillim të viteve ’90, duke bërë dy vizita në Shtëpinë e Bardhë dhe duke bindur Baker-in me deklaratën e tij se komunizmi kishte vdekur, por sfidat mbeteshin. Megjithatë, marrëdhëniet u përkeqësuan në mes të viteve ’90 për shkak të qëndrimeve nacionaliste të Berishës ndaj çështjes së Kosovës, duke e kthyer atë në një figurë kontraverse në rajon dhe brenda Shqipërisë.