Kryeministri Hristijan Mickoski ka paralajmëruar një ulje të ndjeshme të çmimeve të benzinës dhe dizelit javën e ardhshme, pavarësisht rritjes së fundit të çmimeve nga Komisioni Rregullator për Energjetik. Sipas tij, analiza e akcizave do të bëhet të hënën, dhe vendimet për masat e reja do të bazohen në parametrat e përllogaritur për gjysmën e dytë të muajit. Mickoski vuri në dukje se çmimet e derivateve kanë rënë për dy ditë rresht dhe janë stabilizuar në nivele më të ulëta, duke reflektuar luhatjet në tregun ndërkombëtar të naftës. Ai gjithashtu theksoi se derivatet e naftës janë produkte të tregut global, të cilat blihen nga të gjitha vendet nga i njëjti treg aksionesh.