Kryeministri Hristijan Mickoski theksoi se ligji aktual nuk përcakton mënyrën e dhënies së provimit të jurisprudencës, duke ia lënë këtë kompetencë ministrit të Drejtësisë, Igor Fillkov. Ai shtoi se ministrat shqiptarë të mëparshëm nuk kanë treguar interes për këtë çështje, ndërsa qeveria aktuale po punon për të gjetur një zgjidhje dhe ministri Fillkov është pjesë e këtij procesi. Mickoski gjithashtu njoftoi se studentët që protestojnë do të kenë mundësi të përfshihen në debat publik dhe të kontribuojnë në hartimin e zgjidhjes ligjore. Ky proces zhvillohet në kuadër të një debati më të gjerë publik për ligjet që prekin arsimin dhe përfaqësimin e drejtë.