Revista gjermane “Der Spiegel” ka rikthyer online artikullin e saj që përmend presidentin e Serbisë, Aleksandar Vuçiq, pavarësisht urdhërit të përkohshëm të një gjykate në Hamburg për ta larguar atë. Artikulli trajton pretendime për “gjuetinë e njerëzve” gjatë luftës në Bosnjë, ku përmendet edhe emri i Vuçiqit, por gjykata kishte konsideruar raportimin si të papranueshëm dhe të njëanshëm, duke theksuar mungesën e verifikimit të disa pretendimeve dhe shkeljen e prezumimit të pafajësisë.