Komanda Rajonale Perëndim e KFOR-it organizoi në Pejë një takim ndërfetar me përfaqësues të komuniteteve myslimane, ortodokse, katolike, hebraike dhe tarikatëve, me qëllim promovimin e dialogut dhe bashkëjetesës. Nën drejtimin e kolonelit Federico Mora, aktiviteti u fokusua në forcimin e besimit dhe mirëkuptimit ndërmjet komuniteteve fetare në Kosovë, duke përfshirë edhe reflektime të të rinjve dhe ekspozita artistike që përcollën mesazhe paqeje dhe harmonisë. KFOR theksoi rëndësinë e komunikimit dhe bashkëpunimit si mjet për ndërtimin e një të ardhmeje të sigurt dhe të përbashkët për të gjithë qytetarët. Ky aktivitet pasqyron angazhimin e vazhdueshëm të misionit për të garantuar lirinë e lëvizjes dhe sigurinë në Kosovë, në bashkëpunim me Policinë e Kosovës dhe EULEX.