Në qytetin e Dibrës në Maqedoninë e Veriut, regjistrimi i parë për vitin shkollor 2026/2027 në gjimnazin “28 Nëntori” ka shënuar një interesim shumë të ulët, me vetëm 32 nxënës të regjistruar nga 238 vende të parapara. Nga këta, 25 janë në paralelet në gjuhën shqipe dhe 7 në gjuhën maqedonase, ndërsa autoritetet presin rritje të numrit në afatet e ardhshme të regjistrimit. Rënia e interesimit lidhet me zvogëlimin e numrit të nxënësve në shkollat fillore për shkak të migrimit të popullsisë dhe orientimit të të rinjve drejt shkollave profesionale në qytete të tjera. Megjithatë, drejtuesit e gjimnazit mbeten optimistë se vendet e mbetura bosh do të plotësohen në afatet e dytë dhe të gushtit, duke ulur edhe pragun e pikëve për regjistrim.